نظرية المرمطة السحلمية! طريقك لاحتراف العمل
published at:9/28/2009, Technology, Safsata :), Jobs,
published by: she7ata
السلام عليكم و رحمة الله
بكتبلكم المقال ده، لانى شفت ناس كتير اوى بتسأل عن موضوع الشغل سواء كان فى شركة او لوحدك و بتسأل عن المرتبات و ازاى حد يشتغل و يبقى مرتبة كويس باقل عدد سنين خبر و الناس الى اتخرجت و مش لاقية شغل و مش عارف ليه، الموضوع و السؤال بيتكرر فقررت اكتب المقال ه كوجهة نظر خاصة استوحتها من حياتى العملية فى السوق الحياه
الحقيقة ملقتش افضل تسمية غير المرمطة عشان اسمى بيها النظرية و هو اسم موحى من نفسة، صحيح، يسأل بعض الناس يعنى اية مرمطة - ايه علاقة اشغل بالمرمطة و ازاى اشتغل من غير مرمطة و الجواب هو، مستحيل !ـ
مستحيل تتخيل انك ممكن تتخرج النهارده و تشتغل بدون واسطة او سند من حد الا عن طريق بذل المجهود الحقيقى للوصول لهذه " البداية" وهو ما يسمى بالمرمطة،
شوف، القاعده الذهبية بتقول، انت يا تتمرممط وانت بتدرس عشان تعرف السوق عامل ازاى يا تتمرمط بعد الدراسة
شوف انت تحب تقضى الفتره دية امتى و اختار
وانا اقترح انك تستعين بالله و تختار انك تشتغل فى فترة الدراسة، ده هيوفر عليك كمية ابكر مالمرمطة بعد التخرج و كمان هتلاقى نفسك شغال فى حين ان اصحابك الى اختاروا يبقوا بشوات اثناء مانت كنت بتتمرمط فتره الدراسة قاعدين عالقهوة و بيحاولوا يتصلوا بيك عشان تساعدهم او تلاقيلهم شغل
فى طريق المرطة هتلاحظ ...
كل الرزق بتاع ربنا
صحيح ان ربنا الرزاق، لكنه سبحانة جعل الرزق بقدر، و قدر ايضاُ ان لكل عمل ثواب، و مش معقوله انت تتمرمط و يبقى زيك زى الى كان قاعد بيعلب، فأوعى تفكر انك بتضيع وقت، دايما فى اى مجال او اى تجرية مهما كانت بتجربها فى فايدة، يمكن لو مشفتهاش او عرفتها النهارده، بكرة يجيى الوقت و تعرفها كويس و تعرف قيمتها كمان
اعرف كل شىء عن شىء و شىء عن كل شىء
فى رحلتك اثناء فترة المرمطة ممكن تشتغل حاجات عمرك ما كنت تتخيلها، ممكن تسهر بالايام فى الشغل، ممكن يبقى مرتبك اقل من مصاريفك اصلا، ممكن تلاقى ناس بتستغفلك و تكسب من وراك و فكراك مش عارف او ساذج، ده صحيح، انت لسة بتتعلم و ساذج، مش عيب ، بس بكه لو فضلت ساذج يبقى عيب
اشتغل عشان تتعلم و اتعلم عشان تشتغل
عشان تشتغل لازم فتره المرمطة عشان تتعلم، وعشان تتعلم لازم تتمرمط و تشتغل - نظرية بحتة كنا بنظبقها عملى فى ما يسمى بالمدارس و الجامعات و احنا مش واخدين بالنا
اشتغل من أجل الشغل و التقدم و بكرة ييجى المال
لو كان حلمك تبقى مدير او صاحب شركة او حتى موظف محترم او محترف مهنة معينة انت لازم تحط مبدأ عشان توصل ، بس صعب يبقى المبدأ ده المال، حب شغلك جدا عشان تبدع فية، و اعرف انك عمرك ما هتبقى شخص كويس فى شغل انت مش بتحبة و مش طايقة، حب شغلك لو مكنتش بتحبة، او علاقل حاول، ولو فشلت حاول تانى و لو يأست سيبة و دور تانى
انت ممكن تنجح فى شىء مش بتحبة لفترة بس عمرك ما هتبدع فية ابداٌ
زعشان تبقى " متميز" لازم تبقى مبدع
الناس بتشغل مين
الناس بتشغل الى بيعرف "يشتغل" - انت لو مبتعرف تشتغل مش ينفع تشتغل
ولو عايز تشتغل و انت مبتشتغلش يبقى لازم تتمرمط عشان تعرف ازاى تشتغل
الناس يتشغل مين اكتر
الناس بتشغل الى بيعرف يشتغل اكتر و بيعرف عن شغلة اكتر و بيحب شغلة اكتر و مبدع فى شغلة اكتر و شخص محترم اكتر و مؤدب اكتر و خلوق اكتر و حبوب اكتر و انسان اكتر وبأقل مرتب
احرص على ان يكون لك مهارات متعدده
الناس بتشغل حد اكتر لية ؟
مبدأ التخصص اثبت فشلة على مستوى الشركات الصغيرة بعكس الكوربوريت او المستويات الكبيرة نوعاً، فى الشركات الصغيرة، انت الشركة، يحبوا انك تعمل كل حاجة، شخص الالف مهنة، نعم و هذه حقيقة، و كلما كانت لديك مهارات اكتر كانت لك اولوية اكتر،
يعنى انت بتعرف تدهن حيطة
فى حد تانى بيعرف يدهن حيطة و ينفخ بلالين
لو الاتنين بنفس السعر هناخد الى بينفخ بلالين، يمكن بكرة نحتاجة ينفخ لنا بالونتين !!
مرتبك 300 جنية
فى فترة المرمطة مرتبك ممكن يبقى اسوء من شحات فى الشارع، الفرق انت اكيد عارفة من غير الخوض فى مواضيع فرعية، وانت بتتمرمط عشان توصل لام يبقى عندك يقين بانك اخرت الطريق الصح و انك بكرة ان شاء الله غير النهارده وان المرتب ده هيتضاعف فعلا اضعف اضاعفة، ودية حقيقة، فمتستقلش الى الناس ممكن تدهولك عشان توفرك فرصة المرمطة العظيمة، و تذكر ايضا، انك فى يوم ممكن تقبض 300 جنية و يبقى ليهم طعم و مكفيين و ممكن تقبض 3000 او 30000 والا يبقى ليهم اى معنى، مع المرمطة ، الدنيا اطعم طبعا
إتقن شغلك
مش عشان بتتمرمط ب 300 جنية تكروت، انت كده مش بتحب شغلك، اعمل كل شىء عشان تخلى شغلك فى افضل حالاتة و تذكر قول الدين فى اتقان العمل و تذكر ان الهدف مكنش المال، الهدف التعلم و الاسم و السمعة
أمتى الناس هتشغلنى بمرتبات عالية
واحده واحده فى طريق المرمطة بتلاقى نفسك بتعمل حاجات غريبة و يمكن بتتنطط من شركة للتانية و من وظيفة لغيرها و بتبتدى تترسم فى مخك انت هتيقى تشتغل اية فى الفترة الى جاية، هتبقى مبرمج، مصمم، كناس، مدير، غفير، صفير ، ... بتبتدى تعرف من تنقلاتك و شغلك الى بتعملة بايديك لغاية ما بلية المرمطة ترسيك على مكان تلاقى نفسك طولت فيه حبتين و مكان تانى و تالت و تلاقى نفسك تقريبا بشتغل فى شىء مشابهة - تعرف ان دية شغلانتك شبة الاساسية، فى وسط التنقلات دية بتقى انت كونت اسم بالفعل وخبرة و بيكون تمنك على لانك صحاب خبرة تقدر بمال الان و لان تاريخك مشرف و اعمالك كذلك، بتلاقى شغل مرتب عالى يليق بمقام حضرتك وبشغلك المشرف يا فندم
بس كده، و اتمنى للجميع ان ينعموا بدون مرمطة ان شاء الله
جزاكم الله خيرا
categories
» recent posts
- Send And Upload Binary Bytes or Image from Flash with ActionScript 2.0
- Designers salaries in Egypt 2011
- Download logos directly, vector-logos.com site hack
- Etisalat Smart Net Router Type
- Unlock your Windows Mobile Without Touch Screen
- How to Bypass and Skip Calibrate or Align Screen on WM 6.5
- China phone folder structure
- Panasonic KM-MB1900CX Driver Download For Windows
- ماذا تعرف عن حياة الديزاينر!؟، بعض الخواطر
- Microsoft Open Door Event 2010, Egypt
� recent replies
- "Ahmed Khattab :
Kalamk MSA to7fa w kolooo sa7 :) MSA bgd and yoour work MSA is Great keep it up :)" - "ahmed :
When mymobiler connected to my phone, it tries to run an app that is unsigned and I've to press "YES ..." - "Tarek :
brilliant!! enta 2olt 7agat kteer awi kont 3ayz 2a2olha .. ana 7ases en ana elly kateb :D keep it ..." - "محمد مصطفى :
جزاك الله خيرا اللهم يسر لى الزواج ولجميع شباب المسلمين اللهم أميـــن ." - "Devilocke :
When I try to connect to the windows mobile device center, I get the message "Your device is current ..."
9 COMMENT(S)
Commerce | 3/30/2010
كلام منطقى جدا يا اخى الفاضل انا تقريبا شفت كلامك ده على نفسى اتمرمطت كتير الصراحة و اشتغلت فى مجالين ليس لهم علاقة ببعض نهائيا والمجالين ليس لهم علاقة بتخصصى الجامعى اصلا :) الحمد لله انا سعيد بهذة المرمطة وان كنت لست سعيد لاننى ارى انى لم انهى مرحلة المرمطة بعد رغم والحمد لله اعمل فى شركة من كبرى الشركات فى مصر وبمرتب يتمناه الملاييييين وليس الاف ولكن هناك نقظة ما - لا زالت ابحث عنها - غير مشبعة بعد عموما جزاك الله خيرا على هذا الكلامmohammed | 3/30/2010
جزاكم الله خيراً، اعتقد عندما ارى شخص مثلك "تمرمط" حتى أخمص قدمية فأطلق علية مقاتل من المحاربين القدامى فهذا امر طبيعى، الحمد لله الذى رزقك جزاء تعبك هذا، و يمكنك مشاركة المرتب الشهرى طلاما ان الملايين تحلم به :-) الشى الاخر وهو مازال يدور فى خاطرك أعتقد هو ان تستقل و تستثمر من عملك الخاص او مشروعك الذى ظلت تحلم به، ودورك فى تغيير هذه الامة ايضا للافضل، منتجك، كلنا هذا الرجل، وفقك الله لما تحب و ترضى وجزكم الله خيرا مرورا بموقعنا المتواضع .ـYoussef Galal | 3/29/2010
ينصر دينك يا محمد كلام كنا عاوزين نقولة من زمان ومش عارفينmohammed | 3/29/2010
جزاكم الله خيرا، هو ده الواقع ان الخبرة تتطلب النزول للعمل اوالتجربة العمليةAmro (OHDev) | 11/3/2009
this is the logic, at least according to object oriented :P they deal with us as dirty objects :D LOL thanks for the nice article, and salam to Ahmed Youssef, Miss you Ahmed! Kisses to the little Yassin, and stop kissing him a lot father mohammed :P, he will hate you some day because of that :P see you latermohammed | 11/3/2009
LOL, yes he is getting nervous even when he feel I'm getting closer to him to hit him one more quick kiss :-), yep, I missed most of our AA buddies too, thanks for dropping me line.Ahmed Yousef | 10/29/2009
الى اخى و حبيبي محمد شحاته ابو يس بارك الله فيكmohammed | 10/29/2009
7abebe, Ahmed bek, i'm happy to see your precious comment on my decent site, salam to all the AA folks, jazakum Allahu khayran.Adriano | 10/28/2009
بجد كلام جميل وهي دي الحياة فعلاً شكلك كدا اتمرمتط كتير وكافحه من المرمطه والشغل ربنا معاك يارب وبالتوفيقADD COMMENT