الحقيقة انت لو جربت تشترى عربية زيروا او جديده عموما هيجيلك احباط يقينى من كل شىء فى مصر

و يمكن الاكتشاف السحلمى الجديد ان مصر مش ارض متعة فى اى شىء عشان تجيب عربية جديدة فيها ، قال اية عشان تركب و تتكيف و تروح الشغل ! لية يعنى !

 

وده مش معناه اننا مش بنحب بلدنا مصرطبعا، لكن لاسف و على رأى سوبرهنيدى، مية النيل السبب

 

اسباب انك تجيب عربية اصلا غير كافية انك تجيبها حتى لو معاك تمنها عشان بس انت فى مصر !

انت مش شايف الزحمة! انت اصلا مش هتعرف تمشى بيها بجد! انت فى شارع واحد ممكن تعيش بقية عمرك! فيصل الجيزة مصر الجديدة روكسى المعادى اواى حته عموما! فلية هتشتريها !...

انت اوفرلك مالبنزين لى هتحرقة و العربية واقفة مكانها انك تركب عجلة واهو رياضة بدل التيبس الى احنا فية ...

 

انت فى اى طريق سفرالسرعة غالبا لا تتجاوز المية او التسعين ! ده حتى ولو مسافر اسكندرية يعنى – قولوالعين الشمس ما تحماشى لحسن حبيبى الى سايق ماشى ! فعلا يعنى قمة الذكاء، الغريبة انى دفعت 150 جنية مخالفة فورية عشان سقت على 117 و السرعة المحدده 100 وده شىء كافى انك متجيبش عربية عشان الحكومة قررت انها تعمل 100 قرار و حركة تسحب منك و من دم الشعب فلوس بالميات وقتى و فورى من كل عربية معدية ! و عشان كده المرور متخصخصش – بيجيب فلوس بالهبل !...

 

مهو فى البلد الغير منظمة اكيد لو كنت ماشى عال 100 و هتنزل كوبرى هتنزل اسرع شوية من ال100 فتتمسك رادار اكيد هتزهق مالزحف على سرعة 80 والطريق طويل وفاضى فى السفر ! او اكيد هتنسى حزام الامان و لو اتعودت علية ، يمكن الى جامبك ينساه برضة ! او يمكن المثلث او انت رخصتك خلصت او يمكن حاطط ستيكر الهلال و النجمه على ازاز العربية من ورا او صورة واسم كرومبوا عالجمب ... اى شىء اى حاجة ينفع يرخموا بيها عليك عشان تدفع ...... وهتدفع ! لية ّّ ؟؟؟ ! لان روتين المرور والرشاوى الى هناك يخلوك تدفع بس متروحش هناك تانى ...

 

لسة عايز تجيب عربية ؟

انت عارف البلد حالها ازاى ؟ هتجيب اقساطها منين ؟ هتدفع كاش ! حرام فى عربيات متساويش بتتباع لنا بأضعاف اسعارها فى بلدنا الرائعة !، اسأل اى جد معاه عربية متجرحة سبب الجروح اية ! اغلبها والله بتطلع الشغل تنزل تلاقيها مخبوطة ! العلامات و الشعارات بتاعة العربيات الى بقة سرقتها موضه السنادى ، اغلب العربيات ذات العلامات المميزة الجميلة بى ام، رينوا، فولكس الخ – كله يا عينى متشنير و مسروق منه العلامة !! و كذلك الطاسات او الاريال او اى شىء يمكن سرقتة بسهولة .

 

انتى لو بنت اوعى تجيبى عربية، أغلب الكماين خصوصا الى جوة البلد و الى موجودين عند نزلة المعادى او المحور بيحبوا يرخموا او يستقصدوا الستات او البنات – انا لاحظت كده من كام مرة اشوفهم موقفينهم ... اعتقد عشان ممكن الرجالة تنفعل و يبقى فى حاجات مش لطيفة اما الست بتتحرج على طول ! اسف يا هانم رخصتك عشان الحزام مش مربوط !

 

انت عارف البنزين بقى بكام ؟

هتحط ب40 جنية 20 لتر عشان يكفيك 4 ايام تروح و ترجع شغلك بالكتير ده غير التيبس 2 جنية فى البنزينة دا المينيمام جنية للى بيمسح الازازو جنية للى بيحط البنزين ، ده غير طابور الشحاتين و الكناسيين الى بقوا يشحتوا الى هيقولوك " كل سنة وانت طيب يا بية، ربنا يباركلك فيها و يكفيك شرها "

 

انت فكرت انك تعدى بيها ما بين توكتوك!؟ ، انت عارف انهم بيسوقوا بمبدأ "الى خايف على نفسة يوسع" و "ضربوا الاعور على عينة قال عورانة عورانة"، دول مجانين ( الا من رحم ربى ) احتلوا الشوارع و بيعتقدوا ان اى حد بيحاول يسرع عشان يوصل يبقى بيحاول يتحداهم و بيستأل بقدراتهم و هنا بتظهر العقد على شكل خمسات وكيك-داون و فرامل و مشى على عجلتين لزوم "الشو" !! و يجرى و يقف قدامك و يخش ما بين العربيات زى الموتسيكلات و العن ! – والله مره واحد خبطلى اللاكصدام وانا واقف !

 

والا عربيات الكبريت او سميها اى اسم رمسيس او الترامكوا الى اغلينا من غير نمر او بيبان او كراسى او مساعدين او سواقين بيعرفوا يسوقوا ، ودول من اكتر المطاردين و الكارهين للعربيات الملاكى! زى ما بقلك كده – راخرين زى بتوع التوكتوك بيعتقدوا انهم اتخلقوا أعلى و الدليل انهم لما بيبصوا من الشباك بيلاقوك تحت فى عربيتك ! فانت الى لازم تستنى ! مش هما !- هما الطرب و الفن، فبيفرضوا اغانيهم المختاره على الركاب جوة الصندوق الصفيح ده و كذلك علناس العايمة فى المجارى برة فى الشارع !.

اغلب الناس دى الا من رحم ربى – يخبطلك العربية و ينزل يتخانق معاك من مبدأ خدوهم بالصوت ! واسهل شىء تلاقية ساب العربية فى نص الشارع و نازل يتخانق ، و اية افتح يا سمسم ماسورة الالفاظ ! وانت طبعا واقف ورا مستنينى الناس لما تهدى البية عشان يوصلهم و يعديك فى نفس الوقت ... ظك حلوا لو كان السواق ده مش ضارب بانجوا وده نادرا يعنى لان البانجوا و الحشيش للناس دية زى البنزين اصدى الجاز لمؤاخذه للعربية ! الا من رحم ربى ...

 

 

طيب الركنة ؟ انت لو كنتش شغال فى اى منطقة شغل فيكى يا "ايجبت " وعندك عربية اكيد عانيت مالمشكلة ديه – سباق ركنة الصبحية " الى ييجى الاول يركن " و لو ملحقتش مش هتخلص من مطارده السايس الاجبارى الى اشترى الشارع و رشة اقماع حمرا وطوب دبش و عيدان شجر عشان يحجز مكان و تدفعلة عشان يركنك...

 

و غيرة و غيره

 

هو اصلا فية مكان تمشى فية ؟ الدائرى الى الناس بتتكلم عنه بقى اصلا للعربيات اللورى بشكل اساسى و اخيرا لقوا مكان يلعبوا فية "نيد فور سبيد – لايف " و كذلك الميكروباصات التويوتا

 

طب الترخيص ؟ انت لو جايب عربية جديدة بتدفع اكراميات لكل شخص لمح العربية بعنية الساهره الساحرة ، من اول السايس الاجبارى فى منطقة المرور – مرورا بأى شخص بيقوم بواجبة طبيعى، زى الفحص ، البصمة، العادم ...لغاية الى بيركبلك النمر و بيقلك مبروك ..... و ياه لو مدفهتش ! يبقى انت جيب عربية جديدة بايظة !!! تعالى بعد 3 اشهر ...، والا المخالفات المفبركة ، طابور كامل كلة مخالفات من نفس النوع و بنفس القيم تقريبا ! يعنلى لما يقولولك عليك 1000 جنية غرامات و مخالفات فده عشان تروح تتظلم و تقول لاء فتصفصف على 400 او 300 فساعتها هتدفع و تحس انك بالتظلم ده اخدت حقك او نزلت المخالفات ( الى هية اصلا مش موجوده ) !ـ

 

كل الناس الى بترخص عربيات بتدفع تامين أجبارىتمنة مش غالى حوالى 70 جنية ! بس اضرب فى عدد العربيات باللملايين عشان تعرف الناتج ! بس حد يعرف اية فايده التأمين ده، اية فايدتة اذا كان مفيش فعلا تأمين لا علينا والا على اى جزء من السيارة او على اى شىء ضد اى شىء !!! ...

 

انت عارف وانت بتروح ترخص العربية بتدفع حاجة اسمها الضريبة ! كل الناس عارفها بس محدش يعرف برضة ديه اية و ضريبة على اية لمؤخذه ! على ان عندى عربية ؟ و هيفضلوا يخدوا منك الضريبة دية كل مرة و بتزيد ! و ياريتها شىء مقنن ! الا انك بروح لمكتب " تقدر الضريبة " يا سلام ! و المكتب ده فى شخص معاه قلم و ورق و يكتبلك كده على ورقة بخط ايده 300ج روح ادف فى الخزينة !! – بالذمة ده اسمة اية ده !!!؟

 

ده غير لو عايز اصلا تطلع رخصة سواقة ! يااااااااه فيلم !!! مش مهم تعرف تكون بتسوق بس المهم يا يكون معاك واسطة يا فلوس .... الاولوية لدول ...

هقلك ايو الا اية ، اكيد انتوا زهقتوا

 

طيب لية يبنى تقرف نفسك كده و تجيب عربية فى مصر ؟ انت اتجننت

انا لا انا فاضى والا فعلا بهزر، انا كتبت "البتاع ده" عشان احزر اخوانى و اخواتى ان مصر مبقتش بلد تعرف تقعد فيها اصلاً و مينفعش فيها عربية والا طيارة ...

 

"هية دية مصر يا عبلة"