السلام عليكم
فرق شاسع ما بين ويندوز 2003 موبايل والاصدار الخامس من ويندوز موبايل و برغم توافر الاصدار السادس الا انى كنت ميال انى انزل الاصدار الخامس

الموضوع مكنش سهل، بقالى اكتر من سنتين بفكر فى القرار ده، لكن كنت متردد لان التحديث ده مش فورمال او رسمى، و يعتبر مخالف الى حد كبير، لكن حيث ان شركة اى-ميت قفلت فى بلادنا و مبقاش فى دعم لاصدار الويندوز على هاتفى فأضطريت انى اعمل كده، الشىء الاهم ان الموضوع ده مش سهل فى الاول، و صعب انك تجيب روم-مطبوخة زى ما بيقولوا تتماشى على نوع جهازك، لكن بعد شوية بحث فى  xda-developers.com  ممكن تلاقى الحل المناسب، مشكلة تانية ممكن تواجهها ان اغلب الروابط غير متاحة لان موضوع التحديث لويندوز الاصدر 5 و6 قديم اصلا، لاسيما ان الهاتف نفسة قديم .

الويندوز القديم كان فية مشاكل كتير جدا، و أسوأ مشكلة يمكن اغلب الى معاهم الجهاز ده اتعقدوا منها، ان البطارية مثلا كده كده مبتقعدش اكتر من يوم او يومين على الاكثر، طبيعى، لكن الشىء السىء فعلاهو انك لو ملحقتش تشحن البطارية الموبايل هيقفل و تخسر كل شىء، فعلاً، هتخسر كل الكونتاكتس او الارقام و الاسامى و طل البرامج الى كانت محملة علية ة المعرب ... الخ ...
وأول ما هيفتح الجهاز ، اكنك بتحمل اصدار جديد من الويندوز ... و طبعا الناس كانت بتستخدم برامج النسخ الاحتياطية backup  بمعدل  شهرى عشان ترجع تعيد ما تم الغاءه

المهم المشكلة دية اتحلت فى ويندوز 5 والاصدارات الجديده و حتى لو فرغت البطارية وسبت الموبايل شهر و رجعت شحنتة هتلاقى كل البيانات، الشىء الوحيد الى ممكن تفقدة التاريخ  والساعة للاسف ، بس الحمد لله ارحم من العذاب فى تحميل الويندوز مع كل غلطة او انك نسيت البطارية برة الجهاز فترة تغيير الشريحة مثلاً !.

من مشاكل الويندوز القديم برضة البلوتووث فى الجاهز، كانت مفيش طريقة ارسال مباشرة من قائمة المتصفح، فكان لازم لفة طويلة، بس الحمد لله مايكروسوفت خدت بالها و شافت ان كل الناس حاطة اختيار ارسال عن طريق البلوتوث مباشرة فى القائمة المنسدلة.

برضة فى تطوير فى شكل شاشة اليوم او سطح المكتب، فى استغلال المساحات، اضافة برامج زى ام اس ان و الهوتميل و اللاوت-لوك بحيث يديك اخر عدد رسائل دايما على سطح المكتب مع اخر عدد رسائل لم تقرأ و اخر مذكرات و قائمة المهام بتاعتك ...
ومع المعرب arabizer استمتع بالتاريخ الهجرى و الميلادى مع بعض مع برنامج المؤذن الرائع على سطح المكتب، انت فعلاً مش محتاج حاجة تانية ،

ويندوز 5 أثر ثباتاً على الهاتف من الاصدار القديم، و لا تتأثر ذاكرة البرامج بأى شىء فى الموبايل، حتى انى لا اتذكر انى غيرت او اعدت تنصيب ويندوز غيرمرة واحده من سنة مثلاً.
 

استخدامة رائع مع اكتيف-سينك ، و تزامن الملفات مع الاوتلوك و الكمبيوتر الشخصى
شاشة مديرالاتصال وحدت كل عناصر الاتصال و التحكم فى الهاتف من شاشة واحده
زراير الاختصار يمين و يسار الشاشة مثل هواتف نوكيا سهلت الوصول لوظائف كتيرة فعلاً
يتم الاحتفاظ بنسخة مصدر البرنامج بعد تنصيبة، بعكس ويندوز 2003 والذى كان يقوم بمسح الملق cab  بعد تنصيب البرنامج تلقائياً ...

الكونتكت او أرقام وأسماء المتصلين الان بشكل افضل و يمكنك اضافة صورة للمتصل بشكل سليم بدون اللجوء لبرنامج مايكروسوفت-الصورة الذى اثبت فشلة مع الاصدار السابق طبعاً

كيفية التنصيب
فى الاول كنت منزعج جداً من رسائل قرأتها مغزاها انك ستفقد جهازك و سيصبح قطعة حديد وخرده اذا حدث شىء خطء و غير متوقع اثناء عملية التحديث، و كنت فعلا متخوف نوعاً حيت ان هذا التحديث غير رسمى و لا يوجد من يؤكد ان التحديث يعمل ام لا، ثم انى لا اضمن من قام بصنع هذا التحديث و كيفية صنع اصلاً، لكن ربك ستر و تم التحديث و الحمد لله

إذا كنت تريد الملفات لجهاز مشابة
إذهب الى موقع xda-developers.com و ستجد نسخة للتحميل ثم إذهب الى موقع www.4shared.com وابحث عن المعرب و عن الاصدار الخامس من ويندوز موبايل بكلمات مختلفة، فستجد النسخة كامله اعتقد، ووجدت نسخة مضغوطة من قبل شخص يدعى أنس-شيخة ساعدتنى كثيرا

هذا ايضاً كان شرح مترجم من النص الاجنبى للعربى كيفية التحديث
http://www.ce4arab.com/vb7/showthread.php?t=46789

http://wiki.xda-developers.com/index.php?pagename=HTC_Blueangel_WM5_Home

الشىء الوحيد الى افتقدتة هو شعار الاى-ميت فى بداية تشغيل الهاتف حيث تعطيك الشاشة الوان غريبة نوعاً، بس اهو، مفيش حاجة ببلاش .
 

• Technology (11)
• Islamic (14)
• Safsata :) (16)
• Tutorials (10)
• Flash & AS (7)
• Anasheed (2)
• myStuff (8)
• Videos (18)
• Xara (3)
• Funny (7)
• Classic ASP (1)
• Jobs (2)
• Graphcis & Design (6)
• HTML & SEO (4)
• Downloads (5)
• Mobiles (5)
• kelma-w-nos (8)
• Portfolio (0)
• My Sketches & Doodles (4)
• Vectors (1)

• Send And Upload Binary Bytes or Image from Flash with ActionScript 2.0
• Designers salaries in Egypt 2011
• Download logos directly, vector-logos.com site hack
• Etisalat Smart Net Router Type
• Unlock your Windows Mobile Without Touch Screen
• How to Bypass and Skip Calibrate or Align Screen on WM 6.5
• China phone folder structure
• Panasonic KM-MB1900CX Driver Download For Windows
• ماذا تعرف عن حياة الديزاينر!؟، بعض الخواطر
• Microsoft Open Door Event 2010, Egypt

• "Ahmed Khattab :
  Kalamk MSA to7fa w kolooo sa7 :) MSA bgd and yoour work MSA is Great keep it up :)"
• "ahmed :
  When mymobiler connected to my phone, it tries to run an app that is unsigned and I've to press "YES ..."
• "Tarek :
  brilliant!! enta 2olt 7agat kteer awi kont 3ayz 2a2olha .. ana 7ases en ana elly kateb :D keep it ..."
• "محمد مصطفى :
  جزاك الله خيرا اللهم يسر لى الزواج ولجميع شباب المسلمين اللهم أميـــن ."
• "Devilocke :
  When I try to connect to the windows mobile device center, I get the message "Your device is current ..."

• OHDev, Amro Osama
• Vaadoo, Mohammed Braish
• NEO, Ahmed Essam
• NightDev, Ahmed Ezz
• Egypt-Developers.com
• www.islamtomorrow.com

ADD COMMENT