لو كنت وزير المواصلات... إقتراح لبرنامج مصر النهارده

published at:8/7/2010, Safsata :),
published by: she7ata

السلام عليكم، معرفش كان فية سؤال فى برنامج مصر النهاردة "ماذا كنت ستفعل اذا كنت وزير المواصلات؟" لانهم كانوا مستضيفين وزير المواصلات تقريباً و بصراحة انا مقدرش احدد اختصاص وزير المواصلات مقتصر على اية او لغاية فين، بس كان فى فدماغى يجى مية فكرة، اغلب الناس كانت بقدم فكرة او اتنين و اغلبهم مكرر، لكن صراحة من الكبت الى جواية مالى بشوفة وانا سايق قررت اعمل قائمة فى السريع للى بفكر فية، وبالفعل بعتها ووصلنى شكر من المسئول عن متابعة الردود على الموقع والمواقع الاجتماعية المشتركين فيها للبرنامج،

والقائمة الى ارستلها كالتالى

هخلى فيصل رايح و الهرم راجع
هلغى الاعلانات من عالطرق الرئيسية
هلغى الشاشات الاعلانية المتحركة و المضيئة و المبهرة
هلغى الاعلانات القديمة جدا من عالاتوبيساتمن ايام الشمعدان
هدهن الاتوبيسات القديمة و اجدد فرشها واغسلها جوة و برة و هخلى ده عمل دورى
هشجع الشركات تخرج برة القاهرة للمدن الجديدة و اديهم تسهيلات و اراضى و مرافق و تصميمات كمان مودرن للاماكن مع توفير مواصلات ليهم
هخلى المواطنين يقدروا يبعتوا تقرير عن اى مركبة مخالفة و اصدر قانون بالتحقيق وتطبيق المخالفة
هخلى قيادة التوكتوك و المايكروباص برخصة ، تستدعى إجتياز الاختبار الاخلاقى قبل المهنى
هخلى فى نظام لتسمية الشوارع لكى لا يتوة اى شخص، و ذلك بترقيم الشارع، فيمكن الاشاره للشارع بالاسم او الرقم اذا كنت تريد الدقة، فرقم الشارع فريد و لا يتكرر
هخلى على كل ناصية شارع يافطة بأسمة و تفاصيل تفرعة بخط اصغر
هسفلت الشارع بحيث يوزع مية المطر عالصرف
هغطى البلعات المفتوحة و اصلح المقفولة
هشيل عين القط القطع المعدنية على الحدود فى كل الشوارع فهى عديمة الفائدة
هشيل كل مطب مصمم من قبل اى حد معدى دون المعايير والاذن و علامة المطب الصناعى
هخلى كل عسكرى بشكل دورى يعمل فى شارع معين بحيث يرصد ارقام المركبات التى تسير عكس الاتجاه و بشكل مخالف و يتم مصادرة المركبة فوراً
ونش المرور كل ساعة حتى نتخلص من ركنة الصف الثانى والعاشر !ـ
وضع قوانين لحرية العلاقة داخل و خارج المركبة، لفصل احضان الحبيبة فى المايكروباص او عالكورنيش !ـ
منع التدخين منعاً باتاً وتغريم السائق فوراً ، حتى اذا كان هناك راكب مدخن لعدم تركة او تحذيرة
التأكد من ان المواصلة تسير بشكل سليم من المصدر للهدف دون إبتذاذ المواطن لركوب المركبة اكثر من مرة و دفع الاجرة مضاعفة
عقد اجتماعات اجبارية لتوعية سائقى المايكروباص و التوكتوك سواء فنيا او خلقيا او دينيا فى معرفة ان الرزق من عند الله و لا فهلوة فية و تقسيم المسافة ومضاعفة الاجرة كلة حرام شرعاًـ
إغلاق الكاسيت تماما واى مصادر صوتية فى المركبة، و ترحيل اى جهاز تكبير صوت فوراً من اى مايكروباص او توكتوك او اى مركبة غير شخصية .
وضع خطة لتحسين المركبات بعد فترة من جهة الجوانب الامنية و الرفاهية، مثل التكيف و مبرد الهواء و الدفع عن طريق الهاتف والفيزا بالنسبة للتاكسى والاتوبيس المكيف.
استبدال و اهلاك مايكروباصات الترامكوا الفضائية بأخرى تويوتا او غيرها أدمية
وضع خطة لاستبدال التوكتوك او بيعة لدول العالم العاشر و استبدالة بسيارات سوزوكى الصغيرة
هلغى التعديلات الجديدة على نزلة ميدان لبنان والدائرى و الى ذودت الطينة بله و عملت حوادث لانها مستحيل تكون هندسية والى عملها فاهم هوه بيعمل اية و يوم ما نعمل تعديل فى الطريق هنعلن عنة قبليها بشهر بحيث كل الناس تاخد بالها مش تصحى تانى يوم تلاقى عربيتها مقلوبةعالطريق عشان حطوا رصيف فى نص الشارع محدش ياخد بالة منة مالزحمة الى فى المنطقة
والباقية تأتى ...