السلام عليكم و رحمة الله وبركاتة
انا شفت ميل استفزنى و كل يوم يوصلنى من نفس الجروب فبعتلهم الجواب التالى و ياريت اى حد يعرف جروب زى دية يبعتلها او يعنى يقلى اذا كان الى بيحصل ده صح !

اولا ... جزاكم الله خيراً على المحتوى الدينى لكن فى نقطة مهمة اجدها فى كل المجموعات و الا اعلم اين مصدرها و هى باختصار تصميم قالب "تمبلت" القائمة البريدية و/ أو الموقع - الموقع بشكل عام فورم تقيلة جدا و كذلك بريد الجروب – بجد - يعنى يجب اذا كنا نوينا نصنع شىء جيد يبقى جيد بجد او على الاقل مطابق لمعظم المعيير القياسية – اغلب البريد طويل جدا جدا عقبال ما توصل لمحتوى الرسالة، هيدر طويل جداً (أد البيت) – اولا لينكات فوق – لونها بينكى او بمبى! و اظرف و كتابة بخط كبير بعدين صورة الهيدر الى مكتوب فيها نور الاسلام مثلاً كمثال حى مرفق فى هذه الرسالة فى الاسفل إن شاء الله، بعد كده صوره حاجة بتنور و تطفى و مكتوب فيها تانى نور الاسلام ! الله، تانى؟ !... تكمل تلاقى جرسين يمين و شمال و فى نصهم " جروب ومنتديات نور الاسلام ترحب بكم" تالت! و تحتيها بقى – صوره ورقة بردى مكتوب عيها " منتديات نور الاسلام ترحب بكم " و بعدين صوره كبيررررة لوردة او منظر طبيعى مكتوب عليها – إضغط هنا ! وبعدين بخط أد البيت! لينك من فضلك رشحنا الافضل 100 جروب ! وبعد كده جروب نور الاسلام يدعوكم الانضمام لاكثر من 17 الف عضو و بعد كده لينك للجروب و بعد كده لا تنسوا زيارة موقعنا الجديد و الموقع وبعد كده شكل زخرفى لورد كتير وبعد كده نفس المنظر الى فوق الى بينور و بطفى و مكتوب علية جروب نور الاسلام و بعدين نجمتين من صور الجى اى اف عمالة تكبر و تصغر و مكتوب فى نصها اليكم الرسالة !!! و بعديها صورة متحركة لكلمة " اقدم لكم ! " و لينكات لاخبار بقة و بعد كل دول لينك مكتول علية بلاتجليزية " داونلود " وهوه اصلا مش بيحمل حاجة د ه بيوديك لصفحة الاشتراك فى الجروب !!! و بعد كده نجوم كتير كفاصل ، وبعد كده صورة متحركة بتلمع مكتوب عليها " انتظرو المزيد " ومرة تانية – اضغط هنا للاشتراك ! واضغط هنا عشان ترشح الجروب لافضل مية موقع و برضة تانى فرع شجر وبين وردتين " مع تحيات جروب نور الاسلام "وكل كلمة منهم بلون
تفتكر الرسالة خلصت ! ؟ لسة
مرة كمان – الهيدر الى بينور و يطفى وسهمين بيتنططوا وبينهم كلمة " راسلونا عالبريد الاليكترونى " وبعديها "مدير الجروب " و الايميل و بعديها فرع الشجر و مدير المنتديات و فرع و الايميل ولينك للمنتديات
لسة مخلصش !
هيدر مره كمان مالى بينور ويطفى و "لوحة جروب الاسلام الاعلانية " وصوره الصوباع الى بيشاور لتحت الى بشوفة فى كل رسايل الناس و مره تالتة من فضلك متنساش ترشحنا للافضل 100 موقع ! و دوس عللينك !
لينك لمجموعة الامر بالمعروف
لينك و صورة لمجموعة الرضوان البريدية
لينك لمجموعة التوفيق الاسلامية
ضع اعلانك هنا – فقط ارسل للادارة - يحقكك لك كل اهدافك وامالك
وبعد كده ماركى يتتحرك يمين و شمال و فيها ورده مكتوب فيها سرتنا زيارتكم
وكلمة تحياتى بالوان الطيف بتتحرك !،ـ
وقلب و فرع وفوتر مكتوب فية جميع الحقوق محفوظة !
ونفس القصة فى المنتدى !


وانا بسأل حقوق ! حقوق اية و محفوظة اية ؟ وهوه ده تعتقدوا شكل ينفع لناس عاقلين انها ترشحكم لافضل 100 موقع – ولية اصلا بتعملوا كده – انا بس نفسى اعرف- الى عمل شكل الواجهة دية فعلا مصمم ؟ طب شاف مواقع قبل كده ؟ موقع الجزيرة مثلا؟ اسلام اونلاين ؟ ياهو ؟ مايكروسوفت – شاف اى موقع محترم عادى حتى مش خارق شكلة عامل ازاى؟ ايه كل الرصة دية – انت عارف دية طولها حضرتك فى الميل اد اية؟ اكتر من 6700 بيكسل ارتفاع !؟ يعنى حوالى متر و 77 سنتى عشان اوصل للينك او رابط مش الموضوع نفسة ، انت عارف انت شغال الجداول حجم ميلك او بريدك عشان اشوفة اد اية ؟ لما تبعت فى اليوم 5 او 6 رسائل هيبقى عندى اد اية من رسايلك ؟

لية عامل تقول للناس ترشحك مانت لو جروبك كويس هترشحك من غير ما تطلب منهم كدا اصلا – ولية الوان الطيف دية كلها – حضرتك الى بتعملة ده اصلا مش مالدين الاسلامى الجميل بقة - الله جميل يحب الجمال – لازم يبقى المحتوى و التناسق كلة جميل – مش لازم مليون انيميشن وحركة علشان يبقى التصميم حلو و توزن التصميم باكيلو صور فى كل حتة و خلفية للكلام و كل كلمة بلون ! – فعلا كتير بجد – وبسألكم بالله عليكم كفاية ؟ الجمال فى التصميم البساطة و النت مليانة مليون تصميم مجانى جميل – ممكن تاخد حتى منة فكرة تصمم بيها المنتدى والبريد بطريقة بسيطة وعملية ، انا مستفدتش من كل رصة الميل بتاعكم الا لينك فى نص الصفحة – حتى الموضوع نفسة مش موجود !ده غير المحتوى الغير دقيق - اخبار عاملة مش عارف اية التجسس تبع اسرائيل فى جهازى !ده مش حقيقى والا صح حتى - ومش عارف المزيع الى قتل زوجتة؟ اية علاقة ده بالاسلام و حتى لو فية قسم فى الموقع للاشياء العامة فى حياتنا أكيد مش هيكون قضية قتل مزيع لزوجتة مجال اننا نتناقش فية فى جروب إسلامى المفروض!- فيعنى اية لازمة ده كلة – من رئيى انكم لازم تفكروا فى شىء اسمة – يو-اى ديزاين - يعنى تصميم الواجهة وشىء اسمة يو-اكس يوزر اكسبرينس او خبرات المستخدم وشىء اسمة اوبتيمايزيشن اوتقليص المساحة عشان التحميل عند المتصفح اوالمستخدم و عندى كلام كتير بس مش قادر الصراحة - اتمنى تقبلوا رسالتى بصدر رحب و اتمنالكم الخير و اتمنى تنفعوا الامة ان شاء الله
جزاكم الله خيراً
محمد شحاتة

صورة من شكل البريد الى بيوصلنى

• Technology (11)
• Islamic (14)
• Safsata :) (16)
• Tutorials (10)
• Flash & AS (7)
• Anasheed (2)
• myStuff (8)
• Videos (18)
• Xara (3)
• Funny (7)
• Classic ASP (1)
• Jobs (2)
• Graphcis & Design (6)
• HTML & SEO (4)
• Downloads (5)
• Mobiles (5)
• kelma-w-nos (8)
• Portfolio (0)
• My Sketches & Doodles (4)
• Vectors (1)

• Send And Upload Binary Bytes or Image from Flash with ActionScript 2.0
• Designers salaries in Egypt 2011
• Download logos directly, vector-logos.com site hack
• Etisalat Smart Net Router Type
• Unlock your Windows Mobile Without Touch Screen
• How to Bypass and Skip Calibrate or Align Screen on WM 6.5
• China phone folder structure
• Panasonic KM-MB1900CX Driver Download For Windows
• ماذا تعرف عن حياة الديزاينر!؟، بعض الخواطر
• Microsoft Open Door Event 2010, Egypt

• "Ahmed Khattab :
  Kalamk MSA to7fa w kolooo sa7 :) MSA bgd and yoour work MSA is Great keep it up :)"
• "ahmed :
  When mymobiler connected to my phone, it tries to run an app that is unsigned and I've to press "YES ..."
• "Tarek :
  brilliant!! enta 2olt 7agat kteer awi kont 3ayz 2a2olha .. ana 7ases en ana elly kateb :D keep it ..."
• "محمد مصطفى :
  جزاك الله خيرا اللهم يسر لى الزواج ولجميع شباب المسلمين اللهم أميـــن ."
• "Devilocke :
  When I try to connect to the windows mobile device center, I get the message "Your device is current ..."

• OHDev, Amro Osama
• Vaadoo, Mohammed Braish
• NEO, Ahmed Essam
• NightDev, Ahmed Ezz
• Egypt-Developers.com
• www.islamtomorrow.com

ADD COMMENT