السلام عليكم،
بالصدفة كدة اكتشفت إن وزارة التربية والتعليم عاملة حساب لكل طالب عندهم على موقع مايكروسوفت تحت إسم ومبادرة “الحساب المدرسي الموحد للخدمات الإليكترونية”
– المهم –
الحساب دة من نوع باقة تعليمية كدة عملاها مايكروسوفت للطلاب، ممكن يفيد إبنك (أو يفيدك يعنى😁) في إنة يستخدم تطبيقات مرخصة من مايكروسوفت على جهازك او جهازة الشخصى وخصائص تطبيق “تيمز”، يعنى ممكن يحّمل تطبيقات الاوفيس وغيرها من التطبيقات هضيفها في البوست، دا بالإضافة للبريد الإليكتروني على لامؤخذة دومين الوزارة المبجل 😁.
المهم تانى
هتدخل على الموقع دة وتفعل الحساب، هتحتاج تدخل رقم بطاقة إبنك ( الى هوة رقم شهادة الميلاد بتاعتة والكود بتاعة وإيميل إحتياطى ورقم موبايل ) بعد كدة هيبعتلك إيميل فية كود التفعيل وهيديك حساب مايكروسوفت وكلمة-السر التلقائية الى تدخل بيها على موقع مايكروسوفت.
موقع التسجيل بالوزارة…
https://office365.emis.gov.eg/
.أحب من موقعى هذا أشكر وزارة التربية والتعليم ومايكرسوفت.
